આજનું હવામાન : આજે રાજ્યના કેટલાક જિલ્લાઓમાં પડશે માવઠુ! ખેડૂતોમાં ચિંતાનો માહોલ, જુઓ વીડિયો

હવામાન વિભાગની આગાહી અનુસાર આજે મંગળવારે રાજ્યમાં કમોસમી વરસાદ પડે તેવી શક્યતા વ્યકત કરવામાં આવી છે. આજે ગુજરાતના કેટલાક જિલ્લાઓમાં માવઠાની સંભાવના વ્યક્ત કરી છે. જેમાં ઉત્તર ગુજરાત અને કચ્છ સહિતના જિલ્લાઓમાં કમોસમી વરસાદ વરસે તેવી સંભાવના છે. બીજી તરફ અમદાવાદમાં લઘુત્તમ તાપમાનમાં 5 ડિગ્રી વધ્યુ છે.

આજે અમદાવાદ, અમરેલી, નવસારી,પોરબંદર,સાબરકાંઠા, વડોદરા, વલસાડ સહિતના જિલ્લાઓમાં 20 ડિગ્રી ન્યૂનતમ તાપમાન રહે તેવી સંભાવના છે. તેમજ આણંદ, અરવલ્લી, છોટાઉદેપુર, ડાંગ,જુનાગઢ, કચ્છ, ખેડા, મોરબી, નર્મદા, રાજકોટ, સુરેન્દ્રનગર સહિતના જિલ્લાઓમાં 17 ડિગ્રી ન્યૂનતમ તાપમાન રહે તેવી સંભાવના છે. દાહોદ, ગાંધીનગર, મહીસાગર, પંચમહાલ સહિતના જિલ્લાઓમાં 16 ડિગ્રી ન્યૂનતમ તાપમાન રહે તેવી સંભાવના છે.

હવામાન વિભાગની આગાહી અનુસાર અમદાવાદ, અમરેલી, ભરુચ, બોટાદ, ગીર સોમનાથ, જુનાગઢ, સુરત, વલસાડ સહિતના જિલ્લાઓમાં 32 ડિગ્રી મહત્તમ તાપમાન રહે તેવી સંભાવના છે. ગાંધીનગર,મહીસાગર, મોરબી, પંચમહાલ જેવા જિલ્લાઓમાં 30 ડિગ્રી મહત્તમ તાપમાન રહે તેવી શક્યતા છે.