IPL 2024: ધોનીએ જે વ્યક્તિને માર મારતા બચાવ્યો હતો તેની પોલીસે કરી ધરપકડ, સામે કેસ નોંધવામાં આવ્યો
અમદાવાદમાં ગુજરાત ટાઈટન્સ અને ચેન્નાઈ સુપર કિંગ્સ વચ્ચેની મેચ દરમિયાન જ્યારે એમએસ ધોની બેટિંગ કરી રહ્યો હતો, ત્યારે અચાનક એક ચાહક મેદાનમાં ઘુસી ગયો, જે પહેલા ધોનીના પગે પડ્યો અને પછી તેને ગળે લગાડ્યો. ધોનીએ પણ તેને સંભાળ્યો પરંતુ આ પછી સિક્યોરિટી તેને બહાર લઅઈ ગયા. જોકે હવે આ ફેનની હરકત તેને બહુ જ ભારે પડી છે.
એમએસ ધોનીના ચાહકો ભારતના દરેક ભાગમાં જોવા મળે છે અને તેમના 'થાલા'ને મળવા માટે કંઈ પણ કરી શકે છે. ખાસ કરીને IPL દરમિયાન આ ફેન્સ ધોનીને જોવા માટે કોઈપણ હદ સુધી જવા માટે તૈયાર હોય છે અને ક્યારેક આની સજા પણ તેમને ભોગવવી પડે છે.
આવું જ કંઈક એક ફેન સાથે થયું જેણે IPL મેચ દરમિયાન પોતાના ફેવરિટ પ્લેયરને મળવા માટે મેદાનમાં ઘુસવાની ભૂલ કરી હતી, જેને તે સમયે ધોનીએ બચાવી લીધો હતો પરંતુ હવે પોલીસે તેની ધરપકડ કરીને જેલમાં ધકેલી દીધો છે.
10 મે, શુક્રવારે અમદાવાદમાં ગુજરાત ટાઈટન્સ અને ચેન્નાઈ સુપર કિંગ્સ વચ્ચે રમાયેલી મેચમાં જ્યારે ધોની બેટિંગ કરવા આવ્યો ત્યારે છેલ્લી ઓવરમાં એક પ્રશંસક મેદાનમાં ઘુસી ગયો અને ધોનીના પગને સ્પર્શ કરવા લાગ્યો. પછી ધોનીએ પણ તેને ઉપાડ્યો.
આ સમયે ગ્રાઉન્ડનો સિક્યોરિટી સ્ટાફ આવ્યો અને તેને ધોનીથી અલગ કરીને સ્ટેડિયમની બહાર લઈ ગયો. હવે સમાચાર આવ્યા છે કે અમદાવાદ પોલીસે 11 મે, શનિવારે આ ચાહકની ધરપકડ કરી છે અને તેની સામે IPCની કલમ 447 હેઠળ કેસ નોંધ્યો છે.
એક અહેવાલ મુજબ ગુજરાતના ભાવનગરમાં રહેતો 21 વર્ષીય કોલેજ સ્ટુડન્ટ જયકર જાની તેના ભાઈ સાથે મેચ જોવા આવ્યો હતો. ધોનીને મળવાની ઈચ્છામાં તે મેદાનમાં કૂદી પડ્યો, ત્યારબાદ તેને બહાર કાઢીને ચાંદખેડા પોલીસ સ્ટેશન લઈ જવામાં આવ્યો હતો.
Published On - 12:25 am, Sun, 12 May 24