સચિન-ધોની સહિત અનેક સ્ટાર ક્રિકેટરોનો જામનગરમાં જમાવડો, અનંત-રાધિકાના પ્રી-વેડિંગમાં હાજરી આપવા પહોંચ્યા
અનંત અંબાણી અને રાધિકા મર્ચન્ટના પ્રી-વેડિંગ ફંક્શનમાં હાજરી આપવા અનેક સ્ટાર ક્રિકેટરો જામનગર પહોંચી ગયા છે. સચિન, ધોની, હાર્દિક, ઈશાન સહિત અનેક સ્ટાર ક્રિકેટરોનો જામનગરમાં જમાવડો થયો છે. આ તમામના જામનગર એરપોર્ટ પર આગમનની અનેક તસવીરો હાલ સોશિયલ મીડિયા પર વાયરલ થઈ છે.
ગુજરાતના જામનગરમાં અનેક સ્ટાર ક્રિકેટરોનો જમાવડો જોવા મળ્યો છે. અનંત અને રાધિકાના પ્રી-વેડિંગમાં હાજરી આપવા આ ક્રિકેટરો ગુજરાતના જામનગર પહોંચ્યા છે. ક્રિકેટના ભગવાન અને પૂર્વ સુપરસ્ટાર ક્રિકેટર સચિન તેંડુલકર પત્ની અંજલિ અને પુત્રી સારા સાથે જામનગર આવી પહોંચ્યા હતા.
ભારતના વર્લ્ડ ચેમ્પિયન કેપ્ટન મહેન્દ્ર સિંહ ધોની પણ પત્ની સાક્ષી સાથે જામનગર અનંત અને રાધિકાના પ્રી-વેડિંગ ફંક્શનમાં હાજરી આપવા પહોંચ્યા હતા.
ટીમ ઈન્ડિયાનો વાઈસ કેપ્ટન અને મુંબઈ ઈન્ડિયન્સનો નવો કપ્તાન હાર્દિક પંડયા પણ તેના ભાઈ ક્રિકેટર કૃણાલ પંડયા સાથે જામનગર પહોંચ્યો હતો.
હાલ ખૂબ જ ચર્ચામાં ચાલી રહેલા વિકેટ કીપર બેટ્સમેન ઈશાન કિશન પણ જામનગર પહોંચ્યો હતો. તેની સાથે વેસ્ટ ઈન્ડિઝના ડ્વેન બ્રાવો અને નિકોલસ પૂરન પણ જોવા મળ્યા હતા.
ટીમ ઈન્ડિયાનો સ્ટાર બેટ્સમેન સૂર્યકુમાર યાદવ પણ તેની પત્ની સાથે જામનગર પ્રી-વેડિંગ ફંક્શનમાં હાજરી આપવા પહોંચ્યો હતો.
