Online Gaming : ઓનલાઈન ગેમ્સ રમવી એ માત્ર શોખ રહ્યો નથી, પરંતુ લોકો માટે બની રહ્યું છે કરિયર

હવે દેશમાં ગેમિંગને લઈને લોકોની વિચારસરણી બદલાઈ રહી છે. હવે તે માત્ર એક શોખ નથી પરંતુ અન્ય નોકરીની જેમ ઘણા લોકો માટે આવકનું સાધન બની ગયું છે. આ બાબતમાં માત્ર પુરૂષો જ નહીં પરંતુ મહિલાઓ પણ પાછળ રહેતી નથી. આનાથી સરકારને પણ ઘણો ફાયદો થઈ રહ્યો છે.

તમને જાણીને નવાઈ લાગશે કે HP ગેમિંગ લેન્ડસ્કેપ સ્ટડી સર્વેમાં જાણવા મળ્યું છે કે 63% ગેમર્સ ગેમિંગ કારકિર્દીમાં વધુ રસ ધરાવે છે અને 10 માંથી 6 ગેમર્સ વાર્ષિક રૂપિયા 6 લાખથી વધુ કમાણી કરી રહ્યા છે. આવો તમને જણાવીએ કે રિપોર્ટમાં શું ખુલાસો થયો છે.

તમને જણાવી દઈએ કે ઑક્ટોબર-ડિસેમ્બર 2023 ક્વાર્ટરમાં ઑનલાઇન ગેમિંગથી GST 3,470 કરોડ રૂપિયા પર પહોંચી ગયો છે, જે અગાઉના ક્વાર્ટરમાં એકત્રિત કરાયેલા 605 કરોડ રૂપિયા કરતાં પાંચ ગણો વધુ છે.

47 ટકા માતા-પિતાને લાગે છે કે ગેમિંગ એ આવકનો સારો સ્ત્રોત છે

HP ગેમિંગ લેન્ડસ્કેપ સ્ટડી 2023 સર્વેક્ષણમાં 15 શહેરોમાં 3,000 ગેમર્સનો સમાવેશ થાય છે, જેમાં ગેમિંગ ઉદ્યોગમાં મહત્વાકાંક્ષાઓ, તકો અને આશાઓને પ્રકાશિત કરવામાં આવી હતી. સર્વેમાં ગેમિંગને લઈને પેરેન્ટ્સનો અભિપ્રાય પણ સામે આવ્યો છે. ઘણા માતા-પિતા માને છે કે ગેમિંગ આવકનો સારો સ્ત્રોત બની શકે છે.

બીજી તરફ ઘણા લોકો હવે eSports ને કારકિર્દીના વિકલ્પ તરીકે વિચારી રહ્યા છે. ઉત્તર ભારતના 52% ખેલાડીઓએ કહ્યું કે, તેઓ ઈ-સ્પોર્ટ્સ સ્પર્ધાઓમાં ભાગ લેવા માગે છે. આ એ વાતનો પુરાવો છે કે સમાજે હવે ગેમિંગને માત્ર મનોરંજન જ નહીં પણ કરિયર બનાવવાની સારી રીત તરીકે પણ વિચારવાનું શરૂ કર્યું છે. સર્વેક્ષણમાં સામેલ 47% માતા-પિતા માને છે કે ગેમિંગ આવકનો સારો સ્ત્રોત બની શકે છે.

આ રીતે થાય છે કમાણી

ગેમિંગ કંપનીઓ ગેમ જીતવા બદલ મોટી રકમ પ્રાઈઝ મની તરીકે આપી રહી છે. ઓનલાઈન વીડિયો ગેમ્સ રમવી એ ભારતમાં એક વ્યવસાય બની ગયો છે. જેમાં લોકો રાષ્ટ્રીય અને આંતરરાષ્ટ્રીય સ્તરે ભાગ લે છે અને ટૂર્નામેન્ટ દીઠ 5 લાખથી 20 લાખ રૂપિયા કમાય છે.

વાસ્તવમાં ઓનલાઈન ગેમિંગનું લાઈવ સ્ટ્રીમિંગ પણ કરવામાં આવે છે જેના કારણે ઘણા લોકો ગેમ જોઈ રહ્યા છે, આવી સ્થિતિમાં ઘણી જાહેરાતો પણ મૂકવામાં આવે છે જેમાંથી થોડાં કલાકોમાં મોટી કમાણી કરી શકાય છે.

આટલી વાર્ષિક આવક છે

ગેમિંગનું આકર્ષણ સ્પર્ધાના રોમાંચથી આગળ કન્ટેન્ટ બનાવવાથી લઈને ગેમ ડેવલપમેન્ટ સુધીની અન્ય તકો સુધી વિસ્તરે છે. સામાન્ય રીતે ગેમિંગમાંથી કમાણી કરતા 58% ગેમર્સની સરેરાશ વાર્ષિક આવક રૂપિયા 6 લાખથી વધુ હોય છે. કરિયર તરીકે ગેમિંગ લોકોની આર્થિક જરૂરિયાતોને પહોંચી વળવાની શક્તિ દર્શાવે છે.

તે સામાજિક સ્ટીરિયોટાઇપ્સને પણ તોડે છે અને આ ક્ષેત્રમાં ઘણી તકો માટે દરવાજા ખોલે છે. જો કે અન્ય ક્ષેત્રોની જેમ ગેમિંગ ઉદ્યોગમાં કારકિર્દી બનાવવી સરળ નથી અને તે પડકારોથી ભરેલી છે. જેના કારણે કૌશલ્ય વિકાસની વધતી જતી માગને ધ્યાનમાં રાખીને 61% ઉત્તર ભારતીય ગેમર્સને સતત શીખવા અને વિકાસ કરવાના માર્ગો શોધી રહ્યા છે.

કરિયર બની ગયું છે ગેમિંગ

જેમ જેમ ગેમિંગ લેન્ડસ્કેપ સતત વિકસિત થઈ રહ્યું છે તેમ, ઉત્તર ભારત ગેમિંગમાં નવા યુગના ઉંબરે ઊભું છે, જ્યાં સપના સાચા થાય છે અને જુસ્સો એક આકર્ષક કારકિર્દી વિકલ્પમાં ફેરવાઈ રહ્યો છે. આ ઉભરતા ડિજિટલ વિશ્વમાં કોઈપણ જે રમતો રમે છે તે એક વ્યાવસાયિક ગેમર બની શકે છે – તે માત્ર એક સ્વપ્ન નથી પણ વાસ્તવિકતા બની ગયું છે. મોટાભાગના ગેમર્સ ઓનલાઈન ગેમિંગ ટુર્નામેન્ટ અને લાઈવ સ્ટ્રીમિંગમાંથી કમાણી કરી રહ્યા છે.

પ્રોફેશનલ ગેમર કેવી રીતે બનવું?

જો તમે ગેમિંગ ઈન્ડસ્ટ્રીમાં કારકિર્દી તરીકે પ્રવેશવા ઈચ્છો છો, તો ઓનલાઈન અને ઓફલાઈન ઘણા કોર્સ ઉપલબ્ધ છે, જેની મદદથી તમે ગેમર બની શકો છો. આજકાલ માર્કેટમાં ઘણા ઓનલાઈન કોર્સ પણ ઉપલબ્ધ છે. આ પછી તમે તમારી યુટ્યુબ ચેનલ ખોલીને પણ કમાણી કરી શકો છો.

આજકાલ કોઈ પણ વ્યક્તિ YouTube પર પોતાની ચેનલ શરૂ કરીને અને લાઈવ ગેમ્સ રમીને કારકિર્દી બનાવી શકે છે. આ સિવાય જો તમે સારા ગેમર છો તો તમે રાષ્ટ્રીય અને આંતરરાષ્ટ્રીય ટૂર્નામેન્ટમાં પણ ભાગ લઈ શકો છો.

ગેમિંગ ટુર્નામેન્ટમાં કેવી રીતે ભાગ લેવો?

આજકાલ આંતરરાષ્ટ્રીય અને રાષ્ટ્રીય સ્તરે ઘણી ઑનલાઇન ગેમિંગ ટુર્નામેન્ટો છે. અન્ય સ્પોર્ટ્સ ગેમ્સની જેમ તમે આમાં પણ ભાગ લઈને કમાણી કરી શકો છો. ગેમિંગ ટુર્નામેન્ટમાં ભાગ લેવા માટે તમે ઓનલાઈન સ્પર્ધાનું આયોજન કરતી કંપનીની વેબસાઈટ પર જઈને નોંધણી કરાવી શકો છો.

ગેરેના ફ્રી ફાયર ઇસ્પોર્ટ્સ ટુર્નામેન્ટની જેમ, ઇવો જાપાન 2024 હાલમાં ગેમિંગ ટુર્નામેન્ટનું આયોજન કરી રહ્યું છે, જો તમે તેમાં ભાગ લેવા માંગતા હોવ, તો તમે આ વેબસાઇટની મુલાકાત લઈને તમારી જાતને નોંધણી કરાવી શકો છો અને તમારી મનપસંદ રમત પસંદ કરી શકો છો. ટૂર્નામેન્ટના ટાઈમ ટેબલથી લઈને રુલ્સ એન્ડ રેગ્યુલેશન સુધીની તમામ માહિતી વેબસાઈટ પર ઉપલબ્ધ છે.

દેશના ટોપ 7 ગેમર્સ

1. નમન માથુર

• સબ્સ્ક્રાઇબર્સ – 70 લાખ
• ચેનલ ક્રિએટ-સપ્ટેમ્બર 2013
• વીડિયો-2058
• વ્યૂઝ -132 કરોડ

2. અનિમેષ અગ્રવાલ

• સબ્સ્ક્રાઇબર્સ – 105 લાખ
• ચેનલ ક્રિએટ-જુલાઈ, 2018
• વીડિયો-727
• વ્યુઝ -13.03 કરોડ

3. મિથિલેશ પાટણકર

• સબ્સ્ક્રાઇબર્સ – 146 લાખ
• ચેનલ ક્રિએટ-જુલાઈ, 2018
• વીડિયો-391
• વ્યુઝ-337Cr

4. પાયલ ધારે

• સબ્સ્ક્રાઇબર્સ – 369 લાખ
• ચેનલ ક્રિએટ-જુલાઈ, 2018
• વીડિયો-811
• વ્યૂઝ-36.45Cr

5. ગણેશ ગંગાધર

• સબ્સ્ક્રાઇબર્સ – 146 લાખ
• ચેનલ ક્રિએટ-જુલાઈ, 2018
• વીડિયો-391
• વ્યૂઝ -2.43 કરોડ

6. અંશુ બિષ્ટ

• સબ્સ્ક્રાઇબર્સ – 158 લાખ
• ચેનલ ક્રિએટ-જાન્યુઆરી, 2017
• વીડિયો-602
• વ્યૂઝ-31.32Cr

7. તીર્થ મહેતા

2018 એશિયન ગેમ્સમાં બ્રોન્ઝ મેડલ મેળવ્યો હતો

ઓનલાઇન ડિજિટલ કાર્ડ ગેમ હર્થસ્ટોનમાં મેડલ મેળવ્યો