પશ્ચિમ બંગાળ લોકસભા ચૂંટણી પરિણામ 2024 Constituency Wise Vote Counting

પશ્ચિમ બંગાળ ભારતના પૂર્વ છેડે આવેલું છે. પશ્ચિમ બંગાળની સરહદો બાંગ્લાદેશ, ભૂતાન અને ચીન એમ ત્રણ દેશને અડીને છે. કોલકાતા પશ્ચિમ બંગાળની રાજધાની છે. બંગાળની ખાડી પાસે સ્થિત પશ્ચિમ બંગાળમાં મૌર્ય કાળથી લઈને ગુપ્તકાળ સુધીના અવશેષો મળ્યા છે. પાલ અને સેના વંશના શાસનના ઘણા ઐતિહાસિક પુરાવા પણ છે. 1957માં બંગાળના નવાબ સિરાજ-ઉલ-દૌરાનો પ્લાસીના યુદ્ધમાં પરાજય થયો અને તે પછી જ ભારતમાં બ્રિટિશ સામ્રાજ્યનો વિસ્તાર થયો. બંગાળે સ્વતંત્રતા સંગ્રામમાં મહત્વની ભૂમિકા ભજવી હતી. 1905માં બંગાળના વિભાજન સામે જોરદાર આંદોલન થયું હતુ. આખરે અંગ્રેજોએ બંગાળના વિભાજનના નિર્ણયને રદ કરવો પડ્યો હતો, પરંતુ વર્ષ 2011માં  બ્રિટિશ ભારતની રાજધાની કોલકાતાથી બદલીને દિલ્હી ખસેડવામાં આવી હતી.

બંગાળ સાથે રાજારામ મોહન રોય, પંડિત વિદ્યાસાગર, રવીન્દ્રનાથ ટાગોર, સુભાષ ચંદ્ર બોઝ, મધર ટેરેસા જેવી અનેક હસ્તીઓના નામ જોડાયેલા છે. રવીન્દ્રનાથ ટાગોરને તેમના પુસ્તક ગીતાંજલિ માટે દેશમાં પ્રથમ વખત નોબેલ પુરસ્કાર મળ્યો હતો.

પશ્ચિમ બંગાળને સુંદરવનમાં વિશ્વના સૌથી મોટા મેન્ગ્રોવ જંગલ માટે ઓળખવામાં આવે છે. યુનેસ્કો દ્વારા વર્લ્ડ હેરિટેજ સાઈટ જાહેર કરાયેલા સુંદરવનમાં રોયલ બંગાળ ટાયગર કે જે વૈશ્વિક સ્તરે લુપ્ત થઇ રહી છે તે પ્રજાતિઓનું ઘર છે. યુનેસ્કોએ બંગાળની દુર્ગા પૂજાને પણ સાંસ્કૃતિક ધરોહર તરીકે જાહેર કરી છે. બંગાળની દુર્ગા પૂજા વિશ્વ પ્રસિદ્ધ છે.

પશ્ચિમ બંગાળમાં વિધાનસભાની કુલ બેઠકો 294 છે.લોકસભાની અહીં કુલ 42 બેઠક છે. પશ્ચિમ બંગાળની મુખ્ય ભાષા બંગાળી છે. જોકે ઉત્તર બંગાળના દાર્જિલિંગ વિસ્તારમાં નેપાળી ભાષા બોલાય છે અને સરકારે પણ તેને માન્યતા આપી છે. બંગાળમાં શરૂઆતમાં કોંગ્રેસનું શાસન હતું. બાદમાં અહીં નક્સલી આંદોલન થયા હતા. જે પછી વર્ષ 1977માં કોંગ્રેસને હરાવીને ડાબેરીઓ સત્તા પર આવ્યા હતા. ડાબેરીઓએ અહીં 34 વર્ષ શાસન કર્યું. જ્યોતિ બસુ અને બુદ્ધદેવ ભટ્ટાચાર્ય મુખ્ય પ્રધાન હતા. બાદમાં 2011માં તૃણમૂલ કોંગ્રેસના મમતા બેનર્જીએ ડાબેરીઓને હરાવ્યા અને 2011થી ટીએમસી પશ્ચિમ બંગાળમાં શાસન કરી રહી છે. હાલમાં મમતા બેનર્જી રાજ્યના મુખ્યમંત્રી છે. 2019ની લોકસભા ચૂંટણીમાં 42 બેઠકોમાંથી તૃણમૂલ કોંગ્રેસે 22, ભાજપે 18 અને કોંગ્રેસે બે બેઠકો જીતી હતી.

પ્રશ્ન - પશ્ચિમ બંગાળના પ્રથમ મુખ્યમંત્રી કોણ હતા?

જવાબ: પ્રફુલ્લ ચંદ્ર ઘોષ પશ્ચિમ બંગાળના પ્રથમ મુખ્યમંત્રી હતા.

પ્રશ્ન- પશ્ચિમ બંગાળના પ્રથમ મહિલા મુખ્યમંત્રી કોણ છે?

જવાબ - મમતા બેનર્જી પશ્ચિમ બંગાળના પ્રથમ મહિલા મુખ્યમંત્રી અને વર્તમાન મુખ્યમંત્રી છે.

પ્રશ્ન - 2019ની ચૂંટણીમાં તૃણમૂલ કોંગ્રેસને કેટલી બેઠકો મળી?

જવાબઃ 22 બેઠક પર જીત મળી હતી.

પ્રશ્ન - 2019ની ચૂંટણીમાં ભાજપને કેટલી બેઠકો મેળવી હતી?

જવાબ- ભાજપે 18 સીટો પર જીત મેળવી હતી.

પ્રશ્ન- પશ્ચિમ બંગાળમાં લોકસભાની કેટલી બેઠકો છે?

જવાબ- પશ્ચિમ બંગાળમાં લોકસભાની કુલ 42 બેઠકો છે.

પ્રશ્ન- વર્ષ 2019માં પશ્ચિમ બંગાળમાં મતદાનની ટકાવારી કેટલી હતી?

જવાબ: પશ્ચિમ બંગાળમાં 2019ની લોકસભા ચૂંટણીમાં 82 ટકા મતદાન થયું હતું.