કોંગ્રેસને સાબરકાંઠામાં લાગ્યો વધુ ફટકો, CMની ઉપસ્થિતિમાં 50 આગેવાનો BJPમાં જોડાયા

સાબકાંઠા લોકસભા બેઠક પર એક બાદ એક સંમેલનોના આયોજન કરવામાં આવ્યા છે. ભાજપના ઉમેદવાર શોભના બારૈયાના પ્રચાર માટે મહિલા, ઓબીસી, એસસી, સહકાર અને ખેડૂત સહિત અલગ અલગ સંમેલનો યોજીને પ્રચારનું આયોજન કરવામાં આવ્યું છે. આ દરમિયાન રાજ્યના મુખ્યપ્રધાન ભૂપેન્દ્ર પટેલ હિંમતનગર ખાતે સહકાર ખેડૂત સંમેલનમાં ઉપસ્થિત રહ્યા હતા.

મુખ્યપ્રધાનની ઉપસ્થિતિમાં કોંગ્રેસના આગેવાનો અને કાર્યકરોએ કોંગ્રેસનો સાથ છોડીને ભાજપનો કેસરીયો ખેસ ધારણ કર્યો હતો. હિંમતનગર માર્કેટયાર્ડ ખાતે યોજાયેલ સહકાર ખેડૂત સંમેલનમાં મોટી સંખ્યામાં ખેડૂત અને સહકારી આગેવાનો ઉપસ્થિત રહ્યા હતા. જ્યાં લાલસિંહ પરમાર, મિલ્કતસિંહ રાઠોડ,ભગવતસિંહ ઝાલા સહિતના 50 થી વધારે કોંગ્રેસ આગેવાનો અને કાર્યકરો કોંગ્રેસ છોડી ભાજપમાં જોડાયા હતા.

આ પણ વાંચો:  આ ગામે સમજી લીધી દરેક ટીંપાની ‘કિંમત’, મીટરના કાંટે અપાય છે પાણી, જાણો

ગુજરાતના તમામ જિલ્લાના સમાચાર વાંચવા માટે અહીં ક્લિક કરો