Mumbai Shopping market : શોપિંગ માટે આ 5 માર્કેટ છે બેસ્ટ, ઓછી કિંમતમાં મળશે ઘણી વસ્તુઓ
Mumbai Shopping market : મુંબઈના આ પાંચ બજારો શોપિંગ માટે ફેમસ અને લોકપ્રિય છે. છોકરીઓ માટે એક ખજાના જેવું છે. માત્ર છોકરીઓ માટે જ નહીં, છોકરાઓ માટે પણ મુંબઈમાં બેસ્ટ બજારો છે. અહીં તમે માત્ર કપડાં જ નહીં પણ અન્ય ઉપયોગી વસ્તુઓની ખરીદી શકો છો.
છોકરીઓને ખરીદી કરવી ગમે છે. છોકરીઓનો મૂડ સારો હોય કે ખરાબ, છોકરીઓ ખરીદી કર્યા પછી ખુશ થાય છે પણ છોકરીઓને સ્ટ્રીટ શોપિંગથી વધુ આનંદ મળે છે. દરેક શહેરમાં સસ્તા અને સારા કપડાં વેચાતા બજારો છે. મુંબઈમાં પણ ઘણા બજારો છે, જ્યાં તમને વિવિધ પ્રકારના કપડાં અને અન્ય જરૂરી ચીજવસ્તુઓ મળી શકે છે. તો આજે આપણે મુંબઈના એવા પાંચ બજારો વિશે જાણીશું જ્યાં તમે માત્ર કપડાં જ નહીં પરંતુ અન્ય ઘણી વસ્તુઓ પણ ઓછી કિંમતે મેળવી શકો છો.
કોલાબા કોઝવે (Colaba Causeway)
સાઉથ મુંબઈમાં કોલાબા કોઝવે માર્કેટ શોપિંગ માટે પ્રખ્યાત અને લોકપ્રિય છે. અહીં હંમેશા પ્રવાસીઓની ભીડ રહે છે. બુટીકથી લઈને ફૂટપાથ સુધીની દુકાનોમાં અહીં ગ્રાહકોની ભીડ જોવા મળે છે. અહીં તમે દરેક પ્રકારના કપડાં, એસેસરીઝ અને સેન્ડલની સેંકડો ડિઝાઇન જોઈ શકો છો. અહીં ખાવા-પીવાની પણ સારી વ્યવસ્થા છે. સ્ટ્રીટ શોપિંગની સાથે તમે અહીં સ્ટ્રીટ ફૂડની મજા પણ માણી શકો છો.
હિલ રોડ (Hill Road)
બાંદ્રામાં હિલ રોડ પર વિવિધ પ્રકારના વેસ્ટર્ન વેર મળે છે. આ માર્કેટ સવારે શરૂ થાય છે, રાત્રે 10 વાગ્યા સુધી બજારમાં ગ્રાહકોની ભીડ રહે છે. બાંદ્રા સ્ટેશન પહોંચ્યા પછી તમે ઓટો રિક્ષા દ્વારા બજારમાં પહોંચી શકો છો. બજારમાં વિવિધ પ્રકારના કપડાં તમારું ધ્યાન આકર્ષિત કરે છે.
ક્રોફર્ડ માર્કેટ (Crawford Market)
ક્રોફર્ડ માર્કેટ લગભગ 150 વર્ષ જૂનું બજાર છે. ક્રોફર્ડ માર્કેટને શહેરના સૌથી જૂના બજાર તરીકે પણ ઓળખવામાં આવે છે. આ બજાર કપડાં અને ફેશનની વસ્તુઓ માટે પ્રખ્યાત છે. જ્યારે આ માર્કેટમાં રસોડા અને જીવનશૈલી સંબંધિત વસ્તુઓ, ઘર સજાવટની વસ્તુઓની વિશાળ કેટેગરીમાં જોવા મળશે.
ચોર બજાર (Chor Bazaar)
જો તમે તમારા ઘરને આકર્ષક દેખાવ આપવા માગતા હોવ તો ચોર બજાર તમારા માટે પરફેક્ટ છે. અહીંની વસ્તુઓ અન્ય બજારોની તુલનામાં થોડી મોંઘી હોઈ શકે છે, પરંતુ તમને અહીં જે વસ્તુઓ મળે છે તે અન્ય કોઈ બજારમાં મળશે નહીં. અહીં તમને લેમ્પ્સ, ફોટો ફ્રેમ્સ, ફર્નિચર અને વધુ જેવી ઘર સજાવટની વસ્તુઓ મળશે. જે તમારા ઘરને વધુ આકર્ષક બનાવશે.
લોખંડવાલા માર્કેટ (Lokhandwala Market)
મુંબઈનું લોખંડવાલા માર્કેટ પણ ઘણું મોટું માર્કેટ છે. મહિલાઓના કપડાની સાથે પુરુષોના કપડા, ફોન એસેસરીઝ પણ અહીં ઉપલબ્ધ છે. અહીં તમને ખૂબ જ સ્ટાઇલિશ કપડાં મળી શકે છે અને બાળકો માટે પણ ઘણા શોપિંગ વિકલ્પો છે. જો તમને શોપિંગની સાથે ખાવા-પીવાનું ગમે છે, તો અહીં તમે સ્વાદિષ્ટ ખાણી-પીણી, ચાટ, પાણીપુરી, લસ્સી વગેરેનો આનંદ માણી શકો છો.