IPL 2024 : સૌની નજર કેપ્ટન પર, શુભમન ગિલે આજે 100મી આઈપીએલ મેચ દિલ્હી કેપિટલ્સ સામે રમશે
શુભમન ગિલ આ સીઝનમાં આઈપીએલ 2024માં ગુજરાત ટાઈટન્સનો કેપ્ટન છે. ગુજરાત ટાઈટન્સ આગામી મેચ દિલ્હી કેપિટલ્સ વિરુદ્ધ રમશે. શુભમન ગિલની આજે 100મી મેચ છે. શુભમન ગિલે આઈપીએલ 2024માં કુલ 8 મેચ રમી છે. જેમાં તેમણે 298 રન બનાવ્યા છે.
આઈપીએલ 2024માં દિલ્હી કેપિટલ્સનો સામનો ગુજરાત ટાઈટન્સ સામે થશે. બંન્ને ટીમો વચ્ચે આ મેચ દિલ્હીના અરુણ જેટલી ક્રિકેટ સ્ટેડિયમમાં રમાશે. આ મેચમાં ગુજરાત ટાઈટન્સનો કેપ્ટન શુભમન ગિલ એક ખાસ રેકોર્ડ પોતાને નામ કરવા તૈયાર છે.
શુભમન ગિલ હાલમાં આઈપીએલમાં સૌથી બેસ્ટ ખેલાડીઓમાંથી એક છે. તેની કેપ્ટનશીપમાં ગુજરાત ટાઈટન્સની ટીમ આ સીઝનમાં કાંઈ ખાસ પ્રદર્શન કરી શકી નથી, પરંતુ ગિલનું પ્રદર્શન શાનદાર રહ્યું છે. આજે દિલ્હી વિરુદ્ધ શુભમન ગિલ પોતાની 100મી આઈપીએલ મેચ રમશે. ગિલ આવું કરનાર 65મો ખેલાડી બનશે.
આઈપીએલમાં ગિલ માટે આજની મેચ ખાસ છે. સાથે ગિલ આજની મેચમાં શાનદાર પ્રદર્શન કરી ટીમને જીતાડશે. આ સીઝનમાં અત્યારસુધી ગુજરાતે 8 મેચ રમી છે. જેમાંથી તેની ટીમે 4 જીત મેળવી છે 4 મેચમાં તેમને હારનો સામનો કરવો પડ્યો છે.
શુભમન ગિલે આઈપીએલ 2024માં કુલ 8 મેચ રમી છે. જેમાં તેમણે 298 રન બનાવ્યા છે. આ સીઝનમાં તેનો બેસ્ટ સ્કોર 89નો રહ્યો છે.જે ઈનિગ્સ તેમણે પંજાબ વિરુદ્ધ રમી હતી. ગિલે આઈપીએલમાં અત્યારસુધી કુલ 99 મેચ રમી છે જેમાં કુલ 3088 રન બનાવ્યા છે.
ગિલનો આઈપીએલનો બેસ્ટ સ્કોર 129નો છે. તેમણે આઈપીએલમાં કુલ 3 સદી ફટકારી છે. તેમજ તેના નામે 20 અડધી સદી પણ સામેલ છે.
