પ્રાણ પ્રતિષ્ઠાના દિવસે હિન્દીમાં સુંદરકાંડના પાઠ વાંચતા જોવા મળ્યા અમિત શાહ, જાણો ક્યા હતા કેન્દ્રીય ગૃહમંત્રી
ભારતીય જનતા પાર્ટી (BJP)ના અધ્યક્ષ જેપી નડ્ડા અને કેન્દ્રીય ગૃહ પ્રધાન અમિત શાહ સહિત પક્ષના અન્ય કેટલાક વરિષ્ઠ નેતાઓએ સોમવારે અયોધ્યામાં રામ મંદિર અને અહીં રાષ્ટ્રીય રાજધાનીના મંદિરોમાં "પ્રાણ પ્રતિષ્ઠા" સમારોહનું જીવંત પ્રસારણ જોયું.
અયોધ્યામાં રામ મંદિરમાં રામ લલ્લાની નવી મૂર્તિનો પ્રાણ પ્રતિષ્ઠા મહોત્સવ સોમવારે પૂર્ણ થયો હતો અને વડાપ્રધાન નરેન્દ્ર મોદીએ ઉત્તર પ્રદેશના રાજ્યપાલ આનંદીબેન પટેલ, મુખ્યમંત્રી યોગી આદિત્યનાથ અને મોહન ભાગવત(રાષ્ટ્રીય સ્વયંસેવક સંઘ)ની હાજરીમાં ધાર્મિક વિધિઓ કરી હતી.
ભારતીય જનતા પાર્ટી (BJP)ના અધ્યક્ષ જેપી નડ્ડા અને કેન્દ્રીય ગૃહ પ્રધાન અમિત શાહ સહિત પક્ષના અન્ય કેટલાક વરિષ્ઠ નેતાઓએ સોમવારે અયોધ્યામાં રામ મંદિર અને અહીં રાષ્ટ્રીય રાજધાનીના મંદિરોમાં "પ્રાણ પ્રતિષ્ઠા" સમારોહનું જીવંત પ્રસારણ જોયું.
બીજેપી દિલ્હી યુનિટના પ્રમુખ વીરેન્દ્ર સચદેવા અને પાર્ટીના અન્ય નેતાઓ ઝંડેવાલા મંદિરમાં નડ્ડા સાથે હાજર હતા જ્યારે શાહ કેન્દ્રીય મંત્રી મીનાક્ષી લેખી અને અન્ય બીજેપી નેતાઓ સાથે બિરલા મંદિર તરીકે જાણીતા લક્ષ્મી નારાયણ મંદિરના કાર્યક્રમમાં હાજરી આપી હતી. તેમણે હિન્દીમાં સુંદરકાંડના પાઠનું વાંચન પણ કર્યુ હતુ.
આ પ્રસંગે તેમણે આ મંદિરોમાં પ્રાર્થના કરી હતી.નડ્ડાએ પત્રકારોને કહ્યું, “આ એક મોટો ઐતિહાસિક દિવસ છે જે 500 વર્ષની રાહ જોયા બાદ આવ્યો છે. આપણા બધા માટે આ ખૂબ જ પવિત્ર અવસર છે.”
હરદીપ સિંહ પુરી સહિત અન્ય કેટલાક કેન્દ્રીય મંત્રીઓ અને વરિષ્ઠ ભાજપના નેતાઓએ પણ સમારોહનું જીવંત પ્રસારણ નિહાળ્યું હતું અને શહેરના વિવિધ મંદિરોમાં વિશેષ પ્રાર્થના કરી હતી.
Published On - 5:13 pm, Mon, 22 January 24
