મહિન્દ્રાએ લોન્ચ કરી ઈલેક્ટ્રિક કાર XUV400ની પ્રો રેન્જ, બુકિંગ શરૂ, જાણો કિંમત અને ફીચર્સ
મહિન્દ્રાએ XUV400 EV મોડલને અપડેટ કર્યું છે, જેમાં ફીચર્સ સાથે ઈન્ટિરિયરમાં પણ ફેરફાર કરવામાં આવ્યો છે. આ સેગમેન્ટમાં વધુ સ્પર્ધાના કારણે આ મોડલને અપડેટ કરવામાં આવ્યું છે. જો કે, બેટરી પેક અને રેન્જ સમાન છે, ટેક્નોલોજીને અપડેટ કરવામાં આવી છે.
ભારતની અગ્રણી SUV ઉત્પાદક મહિન્દ્રા એન્ડ મહિન્દ્રાએ ઇલેક્ટ્રિક કાર XUV400ની પ્રો રેન્જ લોન્ચ કરી છે. આ કારને ત્રણ નવા વેરિઅન્ટમાં લોન્ચ કરવામાં આવી છે. આ કારનું બુકિંગ શરૂ થઈ ગયું છે. કારની ડિલિવરી 1 ફેબ્રુઆરી, 2024થી શરૂ થશે.
કારમાં શાનદાર ઇન્ટિરિયર છે. જેમાં 26.04 cm ઇન્ફોટેનમેન્ટ સિસ્ટમ અને 26.04 cm ડિજિટલ ઇન્સ્ટ્રુમેન્ટ ક્લસ્ટર સાથે પ્રીમિયમ અને રિફાઇન્ડ ડ્યુઅલ ટોન ઇન્ટિરિયર્સ સાથે આધુનિક ડેશબોર્ડ છે.
કાર 50થી વધુ સુવિધાઓ સાથે Adrenox કનેક્ટેડ કાર સિસ્ટમ તેમજ ડ્યુઅલ-ઝોન ઓટોમેટિક ટેમ્પરેચર કંટ્રોલ, રીઅર એસી વેન્ટ અને વાયરલેસ ચાર્જર પણ છે. તો એલેક્સાના કારણે સરળ નેવિગેશન અને યુઝર્સ ફ્રેન્ડલી ડ્રાઇવિંગનો અનુભવ થશે.
XUV400 Pro વિવિધ કલરમાં ઉપલબ્ધ છે. કારમાં આકર્ષક શાર્ક ફિન એન્ટેના પણ છે. જે એસયુવીના એકંદર દેખાવને વધુ આકર્ષક બનાવે છે. આધુનિક અને પ્રીમિયમ ડ્યુઅલ-ટોન ઇન્ટિરિયર્સ સહિત અંદરની બાજુએ પૂરતી જગ્યા છે.
XUV400ની કેબિનમાં કોપર એક્સેંટ સાથે નવી અપહોલ્સ્ટ્રી છે. XUV400 Pro રેન્જની શરૂઆતની કિંમત રૂ. 15.49 લાખ એક્સ-શોરૂમથી શરૂ થાય છે, જેમાં ત્રણ નવા વેરિયન્ટ છે.
