હૈદરાબાદમાં જોવા મળી હિટમેનની દીવાનગી, લાઈવ મેચમાં રોહિતના આર્શીવાદ લેવા પહોંચ્યો ફેન
હૈદરાબાદમાં ભારત અને ઈંગ્લેન્ડ વચ્ચે પાંચ મેચોની ટેસ્ટ શ્રેણીની પ્રથમ મેચ રમાઈ રહી છે. મેચ દરમિયાન ચાહકોમાં રોહિત શર્મા માટે જબરદસ્ત ઉત્સાહ જોવા મળ્યો હતો.
હૈદરાબાદમાં ભારતીય કેપ્ટન રોહિત શર્માના ચાહકો ઉત્સાહમાં છે. હૈદરાબાદના રાજીવ ગાંધી ઈન્ટરનેશનલ સ્ટેડિયમમાં ભારત અને ઈંગ્લેન્ડ વચ્ચે પાંચ મેચની ટેસ્ટ શ્રેણીની પ્રથમ મેચ રમાઈ રહી છે.
આ મેચમાં પ્રથમ બેટિંગ કરવા આવેલી ઈંગ્લેન્ડની ટીમ ભારતીય બોલરોએ 246 રનમાં ઓલઆઉટ થઈ ગઈ હતી. આ પછી, ભારતની બેટિંગ દરમિયાન, ચાહકો કેપ્ટન રોહિત શર્માના દિવાના જોવા મળ્યા.
લાઈવ મેચ દરમિયાન એક ફેન રોહિત શર્માના આશીર્વાદ લેવા મેદાનમાં પહોંચ્યો હતો. ઇંગ્લેન્ડને શરૂઆતમાં હરાવ્યા બાદ કેપ્ટન રોહિત શર્મા અને યશસ્વી જયસ્વાલ ભારત માટે ઓપનિંગ કરવા આવ્યા હતા. આ દરમિયાન એક ચાહકે મિડલ ગ્રાઉન્ડ પર બેટિંગ કરી રહેલા રોહિત શર્માને મળવા પહોંચ્યો.
વિરાટ કોહલીના નામની જર્સી પહેરીને આવેલો ફેન રોહિત શર્માને પગે લાગ્યો હતો.
ટોસ જીતીને પ્રથમ બેટિંગ કરવા આવેલી ઈંગ્લેન્ડની ટીમ પર ભારતીય સ્પિનરોએ તબાહી મચાવી હતી. રવિચંદ્રન અશ્વિન અને રવિન્દ્ર જાડેજાએ 3-3 ઈંગ્લિશ બેટ્સમેનોને પોતાનો શિકાર બનાવ્યા હતા. આ સિવાય બાપુએ એટલે કે અક્ષર પટેલે બે બેટ્સમેનોને પોતાની સ્પિનમાં ફસાવ્યા. બાકીની બે વિકેટ જસપ્રીત બુમરાહે લીધી હતી.
