મુનાવર ફારુકી

મુનાવર ફારુકીનું પૂરું નામ મુનાવર ઈકબાલ ફારુકી છે અને તેનો જન્મ ગુજરાતના જૂનાગઢમાં થયો હતો. મુનાવરના પિતા ડ્રાઈવર હતા અને માતા-પિતા સિવાય તેના પરિવારમાં ત્રણ બહેનો છે. મુનાવરે 2017માં લગ્ન કર્યા હતા, તેની પત્નીનું નામ જાસ્મિન છે અને તેને એક પુત્ર પણ છે, બંને વચ્ચે કેટલાક મતભેદોને કારણે 2022માં તેમના છૂટાછેડા થઈ ગયા હતા.

મુનાવર ફારુકી સ્ટેન્ડ અપ કોમેડિયન તેમજ રેપર અને લેખક છે. યુટ્યુબ પર તેના વીડિયોને ખૂબ પસંદ કરવામાં આવે છે. તેની સ્ટેન્ડઅપ કોમેડીના મોટાભાગના મુદ્દા ધર્મ અને રાજકારણ સાથે જોડાયેલા છે, તે ઘણા મુદ્દાઓ પર પોતાનો અભિપ્રાય પણ આપે છે, થોડા સમય પહેલા તે ધાર્મિક લાગણીઓને ઠેસ પહોંચાડવાના આરોપમાં જેલ પણ ગયો હતો અને ઘણા શો કેન્સલ પણ કરવામાં આવ્યા હતા. લોક અપ સિઝન 1 જીત્યા પછી તે ખૂબ જ ફેમસ થઈ ગયો.

હાલમાં બિગ બોસ 17 મુનાવર ફારુકી પોતાની ગેમથી ધૂમ મચાવી રહ્યો છે. મુનાવર ફારુકીની બિગ બોસ સીઝન 17ની અત્યાર સુધીની સફર ઉતાર-ચઢાવથી ભરેલી રહી છે.