Gujarat 12th Result 2024 : ગુજરાત ધોરણ-12ના આ સ્ટ્રિમનું રિઝલ્ટ થઈ શકે છે જાહેર, આ રીતે કરો ચેક
Gujarat 12th HSC Science Result 2024 Date and time : ગુજરાત બોર્ડ 12માનું પરિણામ ટૂંક સમયમાં જાહેર થઈ શકે છે. રિઝલ્ટ ઓફિશિયલ વેબસાઇટ gseb.org પર જાહેર કરવામાં આવશે. ગયા વર્ષે સાયન્સ સ્ટ્રીમમાં કુલ 83.22 ટકા વિદ્યાર્થીઓ પાસ થયા હતા.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSHSEB) દ્વારા 12મા વિજ્ઞાન પ્રવાહનું પરિણામ ટૂંક સમયમાં જાહેર કરવામાં આવી શકે છે. ઇન્ટરમીડિયેટ સાયન્સ પ્રવાહની પરીક્ષા પાસ કરવા માટે વિદ્યાર્થીઓએ 33 ટકા માર્ક્સ મેળવવાના રહેશે.
પરિણામો GSHSEB ની ઓફિશિયલ વેબસાઇટ gseb.org પર જાહેર કરવામાં આવશે. મીડિયા રિપોર્ટ્સ અનુસાર 12મા વિજ્ઞાન પ્રવાહનું પરિણામ ટૂંક સમયમાં જાહેર થઈ શકે છે. જો કે ગુજરાત બોર્ડ દ્વારા હજુ સુધી કોઈ ઓફિશિયલ જાહેરાત કરવામાં આવી નથી.
અંદાજે 4 લાખ વિદ્યાર્થીઓએ આપી છે પરીક્ષા
ગુજરાત બોર્ડે માર્ચમાં ગણિત, રસાયણશાસ્ત્ર, ભૌતિકશાસ્ત્ર અને જીવન વિજ્ઞાનની પરીક્ષા માટે HSC વિજ્ઞાન પ્રવાહની પ્રોવિઝનલ આન્સર કી બહાર પાડી હતી. આ વર્ષે ગુજરાત બોર્ડની HSC વિજ્ઞાન પ્રવાહની પરીક્ષામાં લગભગ 4 લાખ વિદ્યાર્થીઓએ પરીક્ષા આપી હતી. પરીક્ષા 11 માર્ચથી શરૂ થઈ હતી.
પરીક્ષા સવારની પાળીમાં સવારે 10:30 થી 1:45 અને બપોરની પાળીમાં 3 થી 6:15 સુધી લેવામાં આવી હતી. ગયા વર્ષે વિજ્ઞાન પ્રવાહનું પ્રથમ પરિણામ જાહેર કરવામાં આવ્યું હતું અને ત્યારબાદ આર્ટસ અને કોમર્સ પ્રવાહનું પરિણામ જાહેર કરવામાં આવ્યું હતું.
Gujarat 12th HSC Science Result 2024 આ રીતે કરો ચેક
- ગુજરાત બોર્ડની ઓફિશિયલ વેબસાઇટ gseb.org પર જાઓ.
- અહીં 12મા સાયન્સ રિઝલ્ટના પરિણામ 2024ની લિંક પર ક્લિક કરો.
- હવે રોલ નંબર દાખલ કરો અને સબમિટ કરો.
- માર્કશીટ તમારી સ્ક્રીન પર દેખાશે.
2023માં સાયન્સના રિઝલ્ટનું પરિણામ કેવું રહ્યું?
ગયા વર્ષે ગુજરાત બોર્ડ 12મા સાયન્સના રિઝલ્ટમાં કુલ 83.22 ટકા વિદ્યાર્થીઓ પાસ થયા હતા. જ્યારે 2022માં સાયન્સના રિઝલ્ટનું પરિણામ 72.02 ટકા આવ્યું હતું. કોરોના મહામારીને કારણે 2021માં પરીક્ષા લેવામાં આવી ન હતી અને પરિણામ 100 ટકા નોંધાયું હતું. સાયન્સ રિઝલ્ટનું પરિણામ 2020માં 71.34% અને 2019માં 71.9% રહ્યું હતું.
