Neem Oil : ચહેરા પરના ખીલના ડાઘ હવે દુર થઈ જશે, લીમડાના તેલનો આ રીતે કરો ઉપયોગ
Neem Oil Benefits : લીમડાના તેલમાં એન્ટી-ફંગલ, એન્ટી-બેક્ટેરિયલ અને એન્ટી-ઓક્સીડેન્ટ ગુણ હોય છે.આ ઉપરાંત તેમાં વિટામિન ઈ પણ ભરપૂર માત્રામાં હોય છે. જેના કારણે સદીઓથી તેનો ઉપયોગ ત્વચાની સંભાળમાં કરવામાં આવે છે. તેનો ઉપયોગ તમે ચહેરા પરથી ડાઘ-ધબ્બા દૂર કરવા માટે પણ કરી શકો છો.
ઉનાળો આવતા જ દરેકના ચહેરા પર પિમ્પલ્સ દેખાવા લાગે છે, પછી તે છોકરીઓ હોય કે છોકરાઓ. આ ઋતુમાં તૈલી ગ્રંથીઓ ખૂબ જ એક્ટિવ થઈ જાય છે જેના કારણે ચહેરા પર ધૂળ અને ગંદકી વધુ લાગી જાય છે. જેના કારણે પિમ્પલ્સની સમસ્યા અટકતી નથી.
ઉનાળાની ઋતુમાં ત્વચાની કાળજી ન લેવાના કારણે ચહેરા પર પિમ્પલ્સ પોતાના નિશાન છોડી દે છે. અહીં અમે તમને એવી જ કેટલીક ટિપ્સ જણાવી રહ્યા છીએ જેની મદદથી તમે ત્વચા પરના પિમ્પલ્સના નિશાન ઘટાડી શકો છો. આ માટે તમે લીમડાનું તેલ, મુલતાની માટી અને તુલસીના પાવડરનો ઉપયોગ કરો.
લીમડાના તેલનો ઉપયોગ કરો
લીમડાના તેલમાં અનેક ઔષધીય ગુણો જોવા મળે છે. તેમાં ફેટી એસિડ, એન્ટિ-બેક્ટેરિયલ, એન્ટિ-ફંગલ અને એન્ટિઓક્સિડન્ટ ગુણો જોવા મળે છે. આ સાથે તેમાં વિટામિન E પણ ભરપૂર માત્રામાં હોય છે. આ ફાયદાઓને કારણે લોકો સદીઓથી લીમડાના તેલનો ઉપયોગ કરતા આવ્યા છે.
ત્વચામાંથી પિમ્પલ્સ દૂર કરવાની સાથે તમે શુષ્ક ત્વચા, કરચલીઓ, ત્વચા પરના ફોલ્લીઓ, ખંજવાળ અને એલર્જીની સમસ્યાથી પણ છુટકારો મેળવી શકો છો. તે તમારી ત્વચામાં કોલેજનનું ઉત્પાદન પણ વધારે છે જે ત્વચાને સ્વસ્થ અને ચમકદાર રાખવા માટે જરૂરી છે. ત્વચાની ઘણી સમસ્યાઓ દૂર કરવા માટે તમે લીમડાના તેલનો ઉપયોગ કરી શકો છો.
લીમડાના તેલનો ઉપયોગ કેવી રીતે કરવો
તેલ લગાવતા પહેલા ચહેરાને સારી રીતે સાફ કરો. આ પછી એક બાઉલમાં 2 થી 3 ચમચી લીમડાનું તેલ લો અને તેને કોટન બોલની મદદથી અસરગ્રસ્ત વિસ્તારોમાં લગાવો. હવે તેને સારી રીતે લગાવીને ચહેરા પર આખી રાત રહેવા દો.
સવારે ઉઠ્યા બાદ તમારા ચહેરાને હૂંફાળા પાણીથી ધોઈ લો, તેનાથી જલ્દી જ પિમ્પલ્સ દૂર થઈ જશે. જો લીમડાનું તેલ ઘટ્ટ હોય તો તમે તેમાં એલોવેરા જેલ ઉમેરી શકો છો.
વિટામિન ઈની કેપ્સ્યુલ મિક્સ કરીને લગાવો
આ સિવાય તમે તમારા ચહેરાને લીમડાના તેલથી મસાજ પણ કરી શકો છો. તેનાથી તમારી ત્વચામાં લોહીનું સરક્યુલેશન વધશે અને તમારો ચહેરો અંદરથી ચમકદાર બનશે. જો તમે ઈચ્છો તો લીમડાના તેલને વિટામીન E કેપ્સ્યુલ્સ સાથે મિક્સ કરીને પણ લગાવી શકો છો.
તેના માટે અડધી ચમચી લીમડાના તેલમાં વિટામિન ઈની કેપ્સ્યુલ મિક્સ કરીને ચહેરા પર લગાવો. આને નહાવાના અડધા કલાક પહેલા ચહેરા પર લગાવો. આ પછી તમારા ચહેરા પર કોઈપણ પ્રકારનો ફેસવોશ અથવા સાબુ ન લગાવો.
(નોંધ :આ લેખ માત્ર જાણકારી માટે છે.સ્વાસ્થ્ય સંબંધીત કંઇ પણ અનુસરતા પહેલા આપ આપના તબીબ અથવા તજજ્ઞોની સલાહ ખાસ લેવી.)
